HAFALIANA MANGINA (RHHC)

Hafaliana tsy hay tohaina
No ao am-poko tsy miloaka,
Ka Ilay Tompo tsy nosarahina
No tolorako ny saotra.

Hafaliana hafakely,
Tsy mba toy ny an’ny maro,
Tsy nahim-poko velively,
Ary miavaka fangaro.

Hafaliana tsy omby tratra
Nefa koa tsy hay bitahana
Sao sanatria indray haratra,
Fahanginana no aoka hibahana.

Ahy izao ny hafaliana
Ary inoako mba haharitra
Fa mampandresy fijaliana
Ka iderako an’Andriamanitra.

RHHC
--------