MANAN-KASINA MISANDRATRA (RHHC)

Mbola tsisy niantsa

Hangataka antsa
(Nalaina tao amin'ny vetso.serasera.org)
MANAN-KASINA MISANDRATRA

Nanjohy anao teny hatrany ny hasarotan’ireo sedra niainanao tety an-tany,
Nitondra tahotra ao anaty, taintaina, tebiteby, tsy hay faritana izany.
Tsapanao sy hitanao ny vahaolana mahomby, na tinakom-pahavalo,
Niafy ianao, tsy nitroatra, fa niezaka hivoatra, nampiaiky ny mpandalo.

Izaho, an-dafin-driaka kosa, mahatsapa fa mamiratra ilay tany niaviana,
Voarakitra ao daholo, na hakanto na hameva, hatsarana, mahavariana.
Mampibitaka ny fo, mipariaka any anaty, ny onjaonjam-pifaliana,
Ka ny taratr’ilay tsiky dia miantefa amin’ny voahary, hita velom-pihobiana.

Ny andon’iny lanitra iny, mba jereo fa mifafy, mampiray sy manatsara,
Ny tsiron’iny taniny iny, tena hery mampatanjaka an’i Madagasikara.
Sarobidy ny hareny, sesehena zava-tsoa, manan-kasina misandratra,
Zanahary no mpandrindra sy mpandamina izany, matokia ianao fa sambatra!

RHHC
--------
Rohy:
143 2
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0657