Ny tia (Rongo)
Pas encore lu
(Nalaina tao amin'ny vetso.serasera.org)
Ny tia...Ny tia tsy mandeha ila,
Ka hoe izay tinao ihany
No voasoritra ho efainy.
Fa izy koa mba mila
Kisarin- tenimamy
Avy aminao lalainy.
Ataovy tsisy dila
Izao teniko eto izao,
Raha diso aho dia teneno...
Fitia manao tanila
Ny ambadiky ny atao
Raha toa ka tsy hifameno!
Fitiavana dia 'zao:
Avy ao am- po ny retsiny,
Fa tsy natao ho sazy
Tsy mbola tia ianao,
Raha toa ka miandry setriny...
Vao hahafoy tena ho azy!
Rongo, 2022
--------
Lien:
Catégorie :
Fitiavana