TSY IANAO IRERY (Tsanta MIKANTO)

TSY IANAO IRERY,‪
…
Tsy ianao irery ry kinta-mampifila,
No azoko andrandraina hanome hazavana
Ka na hiteny aza ianao hoe : « Ny tenako tsy mila »
Dia mbola ao ny masoandro hanome hafanana !
…
Aza be rehareha fa tsy ianao irery tsy akory
No afaka hanjaka eo anivon’ny lanitra
Na dia natosikao aza ny foko oriory,
Mbola ao foana ny tompo Andriamanitra e!
…
Rehefa ho avy tsy ho ela ny andro maraina
Ka iny ianao no tsy hita eo ambony,
Fadio ny manatona ahy hitaraina
Fa izaho efa leo, « Tsy tia anao intsony e»
…(…)
Tsanta MIKANTO
--------