androany maraina (tsiolaka)

ao ambany tetezana androany maraina?
Loza lehiretsy!dia nahoana loatra?
Dia nisy nanary an'ity sombinainy.
Mbola zaza miraikitra Amy tadimpoitra.
Ireo izay nahita dia samy nitsetra
Nahita ity vatana kely afak'aina
Nanatsiny ny *reny ny rehetra rehetra,
Hoe olon-tsy vanona tsy misy saina.
Fa olon'inona loatra ary itony?
Hoy ireo tezitra,sady nanozona.
Tena efa biby,mifanahin-demony,
Tsy mendrik'ho velona,fa fanapoizina.
Fa ny saiko dia lasa,naniry ahalala
Fa toa tsy misy manozona an-drainy?
'Zay tompon'andraikitra tsy afa-miala,
Amin'ny fahafatesan'ity sombiniainy.
Tao ambany tetezana androany maraina?
Noho ny anjorian'ny Ray sy ny Reny
Dia zaza vao teraka no afak'aina,
Ry Ray ao ambony o!mamelà azy ireny!
????tsiolaka????
13-06-2020 in "ny ankihy"
--------