Fetin’ny ray (tsiolaka)

Androany hono lehitsy fetin’ireo ray a
Dia lasa teo ny saiko hoe "any ialahy izay"
Ry ilay lany mondron-kery tsy nitandro hasasarana
Matory am-pasandrazana ,mivalampatra an-tsoalana

Tsy maty fa matory...!fotsiny ialahy miala sasatra,
Miandry ilay fihaonana eny an-dranomasina fitaratra
Fa androany aho lasan’embona dia avy mba nandalo
Namangy ambetsovetso ,notantanan’ny tsiaro

Fa mantsy hono androany fetin’ireo ray
Dia eto ambaravarankelintsika aho no mahatsiaro indray
Fa nisy teto ialahy ,ilay nataonay ho maodely
Ny eto Avara* mahatsiahy ny any Ambohimangakely
--------