Mbola ho tsapanao (Randja)

Mbola ho tsapanao eny ihany
ny haben'ny fitiavako anao
izay mahatonga ahy tomany
noho ny fahatsiarovana anao

Mbola ho tsapanao eny foana
ilay fo feno fitia izay miantso
mbola miandry hatrany izany fotoana
na mafy sy mafaitra aza ny manjo

Mbola ho tsapanao fa tsy kilalao
ny fitiavako ry ilay tiako sy mamiko
fa ny sento amin-dranomaso mitalaho
no hentiko milaza fa ianao no laniko

Mbola ho tsapanao fa tsy filana ihany akory
no manentana ahy hitia sy hiaraka anao
fa ny foko mihintsy no miaiky sy mitory
ny fitiavany anao hatramin'izao ora izao
--------