Tsy hiova (Randja)
Pas encore lu
(Nalaina tao amin'ny vetso.serasera.org)
Tsy hiova fa ho anao mandrakizayraha ny fitia miredareda tato am-po
aza manahy f'efa anao irery avokoa
raha ny fitiavako rehetra hatrizay
Tsy hiova tokoa moa fa ho anao doria
raha ny amiko, ny fiainako rehetra
tsy hiala intsony aho fa hitoetra
satria efa neniky ny soa, feno fitia
Tsy hiova velively fa ianao irery ihany
no hiantefan'ny fitiavana ary koa ny safidy
na hisotro ny mamy na hitelina ny mangidy
dia ianao foana, ianao no mamiko hatrany
Tsy hiova fa ianao irery tokoa
no hany mpanasitrana ity foko marary
rehefa hanjakanao aho vao lavorary
izay kasaina, izay atao tanteraka avokoa
--------
Lien:
