Tsy hiova (Pharaon)

Tsy hiova fa ho anao mandrakizay
raha ny fitia tato amiko
efa anao ry ilay mamiko
raha ny fitiavako hatrizay

Tsy hiova fa ho anao doria
raha ny amiko rehetra
tsy hiala intsony aho fa hitoetra
satria feno soa feno fitia

Tsy hiova fa ianao ihany
no hiantefan'ny safidy
na hisotro ny mamy na ny mangidy
dia ianao foana ianao hatrany

Tsy hiova fa ianao tokoa
no mpanasitrana ity marary
anjakanao ka lavorary
izay atao mety avokoa
--------