NY FIVERENANAO (Aina Nirina)

NY FIVERENANAO

Raha ny ronjon’ny tomany,
Noho ny fandehananao,
Moa hahaonitra izany,
Ny fiverenanao ?

Raha ny ratram-poko,
Ny jaly sy adin-tsaiko,
Ny banga nofenoiko,
Ny mafy nozakaiko…

Ary ankehitriny,
Miverina ianao,
Tena tsisy tsiny,
Saingy henoy izao :

Efa misy solonao,
Efa misy tena tiako,
Olon-tiako vaovao,
Izy izao no fifaliako.

Tsy fifaliako intsony
Ny fiverenanao,
Ny foko efa tony,
Tsy nahatsiaro anao…

AINA NIRINA
(05 aogositra 2014 tamin’ny 13 :50)
--------