Nahoana? (Aino)
Mbola tsisy niantsa
(Nalaina tao amin'ny vetso.serasera.org)
NAHOANA?Nahoana ny velona no miavonavona,
kanefa ny ampitso dia lasa ho zavona;
Vola sy harena ho lo no ananana
Ka hanamavomavoina ny fihavanana?
Nahoana ny maro no mitonatonana,
Fahaizana kely dia ifokafokana,
Raha vao mandingana irony tokonana
Dia efa mihevitra ho eny am-bovonana?
Nahoana raha sendra ingain'ny vintana,
No mihevi-tena ho eny amin'ny kintana;
Kanefa dia vovoka no niandohana,
Ary vovoka koa no mbola hiafarana
--------
Rohy:
Sokajy :
Fiaraha-monina
Hevitra mandeha
fiaritiana
(
03/06/2006 15:11)
tsara be ty tononkalondry ity ary tena marina mihitsy!aingam-panahy tena hummmmmmm!