NY FITIA (BANGOTOKANA)

NY FITIA


Raha fahavalo ny fitia, nialako lavitra mihitsy
Tsy navela hiriria , novonoako tsy akitsitsy
Fa tsy mba toy izany akory, tsy arak’izay nam-pozina
Fa mandrendrika toa tory, tory maso zary poizina ,

Mahay mamitaka ny fo, zary malemilemy toetra
Raha vao babony ao de voa ,voafahirano sy amboletra
Ampitafiany ranomaso,hirifiry tsy hay ialana
Aretim-po mitafotafo,aretin-doza igagana

Ka ananarako izay tsy ao,hajam-bao aloha ny fo
Andotsiro sy ialao, idifio lavitra tokoa
Fa iriana maha ory, toa harena mitafotafo
Tsy ahitan-tory, fa mandoro toy ny afo


Aimé Rolland ANDRIAMASINAVALONA
--------