ny afatro (cedarf)

taratr'andro arivariva, etsy andrefana tazanina,
tara-bolana misoka, momba ahy ka mahamanina,
irak'iza lahy ianao? sa 'lay tiako no nanafatra;
ela tsy nifankahita, ka malahelo fatratra.

toa faria manganoano izany masoko mijery,
misy tsirin'alahelo te hisento fa miery.
Ny elan'elan-tany maro mampanembona ahy anao,
tiako ho foana, hahitako ny salovan-tavanao.

iny volana irakao, ito taratasiko hoento
izao no afatra ho an'azy sy ireo hany vetsovetsoko:
"tiako hotsapanao fa manina aho ka mitomany;
ny ranomasoko ito monja no sonia alefako any."
--------