Hadisoana ve ny ahy? (Rary Nofy)
Mbola tsisy niantsa
(Nalaina tao amin'ny vetso.serasera.org)
Hadisoana ve ny ahy?Raha toa nandao anao!
Ry ilay olon-tiako tsy nahy;
Ilay tao anaty nofy tao.
Hadisoana ve ny ahy?
Raha hanadino anao!
Satria ianao tsy mandraraha;
Ilay fitia tao anatiko tao.
Hadisoana ve ny ahy?
Raha hanilikilika anao!
Fa tsy mety kosa lahy;
Ireny nataonao.
Hadisoana ve ny ahy?
Raha tsy hamaly anao!
Fa naleoko re nangina;
Tsy niteny na namaly;
Fa sao hankahalainao.
Hadisoana ve ny ahy?
Raha toa hitsikera!
Ireny nofiko nitsiahy;
Tao anatin'ny sokera.
Maharavo.A
--------
Rohy:
Sokajy :
Hambom-po - Fiaraha-monina - Fisarahana - Eritreritra mandalo - fiainana - Aingam-panahy - Fitiavana
