Vonim-boahirana (Jean NARIVONY)

Nantsain'i
(Nalaina tao amin'ny vetso.serasera.org)
Mipoitra moramora
'Lay vony vao tanora,
Mivelatra baliaka
Toa endrika sariaka.

Ny rivotra mifafy,
'Zay tsy mamely mafy,
No indro mampandihy
'Lay haingon'ny farihy !

Tazanina eny am-pita
Ka bako sady ngita :
Midola fa tsy kamo
Ny vonin-dRatatamo !

Miaingitra aok'izany
Maneho ny hatsarany ;
Fa voninkazo soa
Tsy manam-paharoa !

Ataony maharavo
Ny mba hisondrotra avo,
Handao ny fietrena
Ka hampidera tena.

Kanefa miova ihany
Izany toetra izany
Rehefa tonga voa
'Lay voninkazo soa !

Ny lalina no sisa
Ataony Paradisa ;
Misitrika izy miery
Kanefa tsy mba very.

'Zay revom-pisehoana
Dia voninkazo foana ;
F'izay manetry tena
No feno fahendrena !
--------
Rohy:
1773 1
Hametraka hevitra
Midira aloha
Momba ny tononkalo
Mpanoratra : Jean NARIVONY
Nampiditra : jantina
Daty : 09/08/2019 17:13
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0105