DISO IANAO (JERY)

Diso ianao raha hangina
Ny hafa faly sy mibitaka
Diso ianao raha hanakiana
Ny tenanao ho ratsy vintana
.
Diso ianao raha hiondrika
Raha sendra olana mahamay
Diso ianao raha hamotika
Ny hoavinao mbola tsy hay
.
Diso ianao minia mikipy
Ny lanitrao mbola ho manga
Diso ianao raha haniry
Ny tenanao hijangajanga
.
Diso ianao raha hamono
Ny masoandronao tsy hihiratra
Diso ianao raha hampitombo
Ny ferinao tsy mbola sitrana
.
Diso ianao ka mihevera
Ny miaina tsotra ihany
Monina eto tsy ho ela
Sedra sy ady ny eto an-tany
.
JERY
Page ao amin'ny facebook: Tononkalon'i JERY
--------