Manana ny foko aho (JERY)

Manana ny foko aho

Manana ny foko aho
Afaka ny hitroatra
Rehefa atao tsinontsinona
Raha mba diso tia

Manana ny foko aho
Afaka ny hisaona
Raha toa ho fahoriana
Ny fandaozanao ahy

Manana ny foko aho
Afaka ny hionona
Raha zary ho fanenenana
Ny lasa efa vita

Eny,manana ny foko aho
Mbola afaka ny manantena
Misy anjarako any ho any
Fa vita hatreo ny amintsika
JERY
RAKOTOMALALA Tsiriniaina Landry
--------