ho an'i dada (Mahay)

Dada ô ! na de heverin'olona ho adino ianao matetika
de laviko ankitsirano ity hevitra sy fihetsika
fa vao mianatra miteny eny mandrakizay doria
de tsaroana ianao ry dada ; tsy hadino sanatria

Manak'ambo ery ny zaza raha miresaka amin'ny namana
mitantara an'i dada ; mangasihasy ny tsy manana
"dadanay an ! ra miteny, avo feo, mitrerotrerona
fa refa manambitamby ! maharenoka am-pitoerana"

na de tsy voatonina isanandro aza ny anaranao ry dada
de voasoratra ao am-po, ka tsaroana lalandava
dada ô ! aza manahy fa tena tinay tokoa ianao
tsy voasolo n'iza n'iza ny anjara toeranao

dada ô! dada tia sady tiana ! aza manana ahiahy
fa ho tsaroanay an-tsaina ; ao am-po sy am-panahy
ka izao fetin'ny ray izao tsy adino velively
fa mahazo fanomezana ary etsy ataonay mamikely
--------