FIAINANA AN-TANYNy fiai (Hajanirina Mahavaly)

FIAINANA AN-TANY

Ny fiainantsika eto an-tany
Dia tena feno fahalovana
Toa tsy nahitana mamy
Fa mangidy foana hatrany

Fiainana tsy ilaozan-tsento
Tsy misaraka amin-dranomaso
Tsy mba misy fitoniana
Hany ka miteraka hakiviana

Tsy mampilamin-tsaina
Fa mila haningotr'aina
Izay ilay fianana eto an-tany
Mampirotsaka tomany

Mino anefa aho fa indray andro any
Mbola hisava ny aizina manarona ny tany
Hisolo masoandro hitondra tara-pahazavana
Hizara hafaliana tsy hanam-piafarana

Hajanirina Mahavaly (24/08/18 à 09:00)
--------