IANAO NO LOHATENY (Noëlson L. ANDRIANIAINA)

Ianao no lohateny
Izay nosafidiako
Sy hanolorako teny
Hoe ianao tena tiako
.
Ianao no lohateny
Ny tononkalo nosoratako
Ianao no voatendry,
Ho hiditra ao anatiko
.
Ny anaranao no lohateny
Voatenin'ny vavako
Izay nampitady ny eny
Ny foko sy ny fitiavako
.
Ianao no lohateny
Nofisako isaky ny alina
'lay izaho manirery
Sy feo mangina amin'ny alina
.
Ny endrikao no lohateny
Tsy miala foanafoana
Ny anaranao ny voateny
Tsy manan_kietoana
--------