TEO AN-DAVARANGANA ( ALBUM SANGODINA ) Raphaël Spartacus (NY Andri-Fara)

TEO AN-DAVARANGANA

Teo an-davaranganao
No nindramiko mangina .
Namisavisa ny fahiny ;
Namerimberina ny lasa .

Indro tazako manjavozavo
Ilay isika nifanao fotoana,
Teo amoron'ny kamoro...;
Ilay dobokelinao sy teo an-jaridaina .

Takariva somambisamby
Takariva ny diavolana ,
Saingy tamin'izao fotoana izao ;
Takarivam-betsovetso lalina .

Teto an-davaranganao
No namantarako ny lasako .
Ny lasanao fahiny...,
Teo anivon'ny fitiavana .



13.01.03 Raphaël Spartacus
--------