Izay no vita ny tantara ! (ny eja)
Mbola tsisy niantsa
(Nalaina tao amin'ny vetso.serasera.org)
Izay no vita ny tantara,mifarana eto ny amintsika
tsy misy intsony ve ny ambara
ity fihetsikao , mangatsiaka!
izay no vita ny tantara
nefa atao ahoana moa
mba nisy koa anie ny tsara
tamin'ny fiinantsika roa!
Ny hany fanontaniana
mahalasa ny vinany
sitrapo fanahiniana?
ity fisarahana avy hatrany ?
dia nahoana aho no nisy
dia nahoana no nitia
dia nahoana ihany koa
raha tsy nisy isika roa ?
nefa ....
izay no vita ny tantara,
ny ratram-poko hibanabana
tsy mahatanty aho dia mitomany
ny alaheloko mikiky
ilay endriko nilaozan-tsiky
hirifiry tsy hay lazaina
fa nilaozanao ho irery
indro aho miferinaina ,
hiezaka aho any afara
hanova jery ity tantara
hanova tsiky ireo tomany
sy hitraka hatrany hatrany.
Ny Eja
poety sady mpanoratra ,
Mpikambana ao HAVATSA UPEM
(Fikambanana mpanoratra sy poety malagasy , naorin'ireo poety fanta -daza tahaka an'dry Rado, DoX ..., efa niorina 50 taona lasa izay.
tranokala :www.nyeja.new.fr
--------
Rohy:
Sokajy :
Fisarahana
Hevitra mandeha
nikopol
(
05/11/2004 09:45)
Iza io ry Nyeja ? fa maninona ary no vitaina zany !!!!! asivo ambikambiny ...
bichette
(
05/11/2004 10:09)
tohina foana aho raha vao maheno tantara toy izao
didou
(
05/11/2004 13:36)
Tsara be rehefa manana izay fisainana maka lesona amy tranga misy izay ! Mahereza e ! Ny
ainga
(
07/11/2004 01:32)
Trangam-piainana ihany io fa tsy voatery ho zava-nitranga, sa tsy izany ry Ny Eja ?
nyeja
(
07/11/2004 09:30)
misaotra anareo namako era-po sy era-tsaina anareo mamaky sy manome hevitra ny sangan'asako, ny aingam-panahy re dia tonga amin'ny fotoana tsy nifanomezana ka arak'izay tonga eo no ventesina, midika ihany koa fa tsy fiainan'ny mpanoratra foana no voalaza ao fa fiainana mety mitranga amin'ny rehetra izany .bizoroka mamy be hoanareo rehetra an
crrlanto
(
08/11/2004 19:36)
tsy ho vita ny tantara
satria anie hainao tsara
fa ny fiainana eto an_tany
tsy ilaozan,ny tomany
ka ho mety fifaliana
no ho valim_pihafiana
ny olon_tiana no nafoy
fa ny tantara mbola hitohy
satria anie hainao tsara
fa ny fiainana eto an_tany
tsy ilaozan,ny tomany
ka ho mety fifaliana
no ho valim_pihafiana
ny olon_tiana no nafoy
fa ny tantara mbola hitohy
andriary
(
09/11/2004 12:19)
ALEO HO VITA NY TANTARA tsy maninona ry nyeja!Tantara hafa indray iainana!izany no eto an-tany!
takatro tsara ny aingam-panahy nanosika anao eto!avelao TANTARA VAOVAO indray...
takatro tsara ny aingam-panahy nanosika anao eto!avelao TANTARA VAOVAO indray...
nyeja
(
11/11/2004 06:33)
misaotra betsaka an'i ccrlanto sy andriary mankahery ahy tokoa ny teny nomenareo .
Ny eja
Ny eja
tsikikely
(
17/02/2005 16:30)
tsara ny nanaoratanao io tononkalo io na dia izao ary aho vaoa mamaky ilay izy. TSARA FA TOHIZO
rapisoukely
(
11/07/2005 14:55)
Nahoana marina no misy ny fisarahana? satria tsy anjara. Mbola nay ho any ilay tena izy.
