11-septambra (Ny Kanto)

Mbola tsisy niantsa

Hangataka antsa
(Nalaina tao amin'ny vetso.serasera.org)
Tsy mora ny hanadino ny lasa izay nandrasa
Aina maro no indray tsy hita popoka
Tsy mba nanahy, fa teo amperin’asa
Hay ilay ratsy efa ela no nilokaloka
...
Dimy taona aty aoriana, litania no indro haniriana
Hahatsiarovana ireo izay nodimandry
Fanavaozana, fiarena-mahasondriana
Voarakitra an-tsary isan’ora, isan-tsegondra
...
Alahelo mafy miharo fahatsiarovana
Feon-dakolosy sy endrika torovana
No ho an’ny velona fadiranovana
Tsy mahay akory andro iray atao ho tovana
...
Izany angamba sisa no azo hamadihana
Ny pejin’ny tantara voahoso-dra
Ny ho avy andrandraina : mba hiadana
Izao tontolo izao ... vao mainka mampanahy



Ny Kanto Parisy, 11 septambra 9h03min.
--------
Rohy:
Sokajy : tantara
2730 0
Hametraka hevitra
Midira aloha
Momba ny tononkalo
Mpanoratra : Ny Kanto
Nampiditra : NyKanto
Daty : 11/09/2006 13:37
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0108