Neniko ve ? (Oully)

Raha nanoratra aho mba hifona
Dia nanaiky fa izaho no diso
Indrindrindra, tsy ho tsaroana
Hanimbàna ny ampitso !

Nefa \'zay fihetsiko izay
No nampiova anao indray
Hanao ahy an-kila-bao
Namolaka ahy (angamba) ianao

Saingy, indrisy ! tara loatra
Efa an-dohalika ny ranom-bary
Ny ranomasoko efa ritra
Nionona \'lay fitiavako nijaly

Eny àry, ... mirary soa
Nifarana teo ny \"Izahay roa\" !

... Dia ho neniko ve ?
Aleo ny fotoana handeha ...
--------