NY TOE-TSAINA (SANTATRA RAFENOMANANTSOA)

Ny toe-tsaina no mila amboarina
raha isika Gasy mba te ho tafarina
satria mila miainga avy amin'ny vahoaka
ny fampandrosoana raha te mba hivoatra
.
Raisiko ohatra ny resa-pahadiovana
eny amin'ny toerana izay ho lalovana
raha isika mahatsapa fa maloto ny lalana
dia isika no tokony mba handray an-tanana
.
Esory ny misy andraso andraso
raha miparitaka 'reo loto zay fako
samia isika mandray andraikitra daholo
ry Malagasy tsy vaky volo
.
Ilay toe-tsaina ee indrindra indrindra
raha ianao te anana fiaina-mirindra
dia ovay ovay ovay malaky
f'io no mampihemotra antsika Gasy
.
Atsipy ny tady any an-tandroky ny omby
atsipy ny teny any am-ponao mamaky io
raiso ny teniko raha toa ka mahomby
moa avereno aty raha tsy te ianao hadio
--------