Haiko tsara ny fitiavana (Herizo Ravonjison Andrianitsiahy)

Diso ianao raha mihevitra,
Fa taraiky aho raha fitiavana.
Na koa vao mianatra mamindra,
Ka mila omena bahana.
.
Avy eo hosehana hidaraboka,
Sy hampiosonam-bovoka.
Raha mbola fitiavana no resaka,
Dia diso ianao raha mitetika
hanambaka.
.
Fony mbola zaza mantsy aho,
Tsy nisy fantatro ny fianana.
Fa ny zava-tokana hany takatro,
Dia tsy misy afa tsy fitiavana.
.
Na mankany am-piangonana.
Hihaino fampianarana,
Tokana ihany no toriana,
Dia ny momban'ny fitiavana.
.
Ka na ny Ntaolo aza moa,
Nikolokolo ny tena tamin'ny
fomba fitenenana.
Hoe ory ny iray fa sambatra ny
roa,
Izay nampiraisain'ny fitiavana.
.
Teo koa ny fiaraha-monina,
Izay namolavola ny fisainana.
Fa tsy misy olona lasa lavitra
izany,
Raha tsy manana fitiavana.
.
Niantso ny mpitondra fanjakana,
Nanamafy koa ny mpitondra
fivavahana.
Fa raha te hampandroso
tanindrazana.
Dia mila hampanjakana ny
fitiavana.
.
Ka ahoana aho no lazaina fa bado,
Nefa ny rehetra manodidina.
No midradradradra isan'andro,
Ny momban'ny fitiavana.
.
Hamehezako azy ary,
Fa diso haiko ny fitiavana.
Dia satria izy voajanahary,
Ka tsy dia ilaiko fampianarana.
.
⇛⇛➤Nosoratan'i Herizo
ANDRIANITSIAHY RAVONJISON
--------