FITIAVAKO ADALA (Ryana)
Mbola tsisy niantsa
(Nalaina tao amin'ny vetso.serasera.org)
FITIAVAKO ADALAMisy hilaza fa tsy marina,
Fa heloka sy fahotàna;
Fitia robahina, angalarina,
Mandika didy fandraràna;
Misy hilaza ho hadisoana,
“Fotoana nahavery saina”
Angamba ho dila, tsy ho tsaroana
Rehefa hifoha ny maraina;
Misy hilaza ho sangisangy,
Fanarian-dia, na kilalao;
Angamba nofy… vandivandy,
Sa fiainan’izao tontolo izao…
“Hasambarana tsy mendrika”,
“Paradisa angalarina”,
Nefa tsy ho tola na ho rendrika
Satria nanori-paka lalina!
Ryana
(04/06/08)
--------
Rohy: