SAMBATRA..... (Solofomanjato)

Sambatra izy, fa misy anao antenainy
Eny, tana sambatra izy….
Sambatra izy, fa ilay tiany nandrandrainy
Mandravaka ny tokantranony
… Sy ireo hantan’ny ankizy !

Sambatra izy, f ’ireny tsikinao ireny izao
Ho toy ny kindriandriana kanto
Ho toy ny mbola vaovao
Ireo tsiambaratelo maminy
…. Feno angolanao milanto

Sambatra izy, sy ny sainy,
Eny, tena sambatra ….
Sambatra afaka mamihina ny vatanao mihararetra
Ka indro ianao ilay sombinainy
Mifalihavanjan’olon-tsambatra

Sambatra izy, nampiadanina !
Henika ny « ianao » tontolo
Tsy mihafahafa, fa mitia anao tsy misy fetra
Ampy hivalamparanao ny aminy
Sy ny « izy » manontolo

Eny, sambatra izy sombinaiko !


SOLOFOMANJATO
--------