NGAH?! (TIANA)
Mbola tsisy niantsa
(Nalaina tao amin'ny vetso.serasera.org)
NGAH?!Aza asiana feo mandeha
Na dia teny in-dray mipika
Aza misy atao mandre
Izay rehetra mombantsika
na ny namanao akaiky
na koa 'reo havan-davitra
Aza mety akory hiaiky
Ny fanadinany maharitra
Aza mety hiloa-peo
Na hibitsika azy akory
F'hitsikio fotsiny eo
Aza atao manorisory
Ka raha misy manontany
Miaraka ngah 'nareo?
(D'izao no ataovinao famaly)
Ho inonao moa izany?
Ianao angah no tsy efa teo?
D'izay aloha no ataovy ampy
Ampy hitiavanao mangina
F'aza dia mora miantsampy
Ndrao sendran'ny saro-baliana
TIANA
--------
Rohy:
Sokajy :
Eritreritra mandalo