NIERINA NY TAONA (VOLAFIHA)
Mbola tsisy niantsa
(Nalaina tao amin'ny vetso.serasera.org)
Inoako marimarina fa Mba tsaroanao ihany
Ny herin-taona lasa
Izay saiky nampivarina
Anao ho tena ambany
Noho ny haratsiam-pikasa
Raha tsy Izy Ray
Izay mpihaino vavaka
Nihaino ny talaho
Dia angamba ohatr’izay
Tena efa niravaka
Rojo vy ianao.
Na teo ireo ako ratsy
Tsy haiko ny nandao
Ny naniny, ny nandatsa…
Rano raraka iny mantsy
Mbola tiako foana ianao
Fiatia tombo-kavatsa.
Fiainam-baovao
Hatreo no nandrandraiko
Fa iainantsika
Dia eny, niova ianao
Nefa tsy ilay nantenaiko
Nanjary nangatsiaka…
Lasa ianao dia tany…
Ilay fitia izay nolalaiko
Navelanao ho moana.
Tsaroako ireny androany
Niverina ato an-tsaiko
Fa nierina ny taona.
--------
Rohy:
Sokajy :
Tsingerin-taona