TSY INY... (VOLAFIHA)

Fantatrao tsara efa hatramin’izay
Fa afo ny fitia
Haingàna mivilia,
Mihodòna tsy hijery
‘Ndrao ho may indray
K’hihitatra ity fery
Meteza ianao atoro
Raha mbola te hijoro
Aza be fikiry,
Tsy anao iny ho’aho
Aza mila raharaha
Efa an’olona iny.

Fantatrao tsara efa hatramin’izay
Fa afo ny fitia
Haingàna mivilia
Aza mety ho tratra
‘Ndrao ho may indray
K’hihitatra ity ratra.
Meteza ianao anarina
Raha mbola te hiarina
Mba tsy hananan-tsiny
Mianara ianao mandà
Tsy anao iny ho’’aho
F’efa an’olona iny.

Any mbola be dia de
Mbola ho avy ny an’ise
Amin’izay vao maneke;
Amin’izay vao “eny” hoe.
--------