MBA HITIA ANAO (Zavona Rakoto (AQUARIUS))

Torimaso maro no efa mba nafoiko
Nofy maromaro no efa koa nantsoiko
Ka tapaka ny hevitro fa holazaiko izao
Hoe avelao ny foko mba hitia anao

Efa afa-nenina nametraka baraingo
Afa-po nijery tovovvavy mihaingo
Ka izao ny bitsiky ny fo anatiko ao
Tiako sy iriko ny mba hitia anao

Na aza rediredy, tsy ahoako izay ventsoiko
Tokana no fantatro, tia anao ny foko
Ka ito foko singana te mba hidoria
Hiangaviako anao, avelao hitia

Betsaka ny mbola tiako hozaraina
Kanefa aok’izay, ndrao vizana ny saina
Ny fiangaviako farany mba ho asanao
Tsy izaho irery no hitia fa koa ianao

ZAVONA RAKOTO
--------