MAHAY TENY EKENA TENY (AbouNusrayni)

Mbola tsisy niantsa

Hangataka antsa
(Nalaina tao amin'ny vetso.serasera.org)
Miala tsiny miala fondro miala salohy fito fa masiatsiaka izy ity eee!

MAHAY TENY EKENA TENY

1.Isika avy any an-tsisintany,
'ndao mba asiana teny vitsy.
Toa mahonen' izany,
Tsy mety tonga saina m'hitsy

2.Be hambompo fahatany;
Tsy dia tia miasa saina.
Ny valy bontana hatrany,
No mba entina miaina.

3.'reo olon-kamo tany aloha;
tsy dia tia ny mianatra;
No manasa atidoha;
Hoe ny borizano miangatra.

4.Ny asa tsara rehetra rehetra;
Ny fitondrana firenena;
Ataon' ireo amboletra;
F'isika tsy mba tiany omena.

5.De mivonto vatan'orona;
Hoe 'z'hay koa mba mahay ;
Ka tsy hampiasa tenin'olona'
Hijanona amin'ny teninay.

6.Lasa sarotra atoro,
Tsy mila teny ofisialy.
Tenin'ambaniandro hono,
Ka tena tsy mba mahafaly.

7.Kanefa ny eo am'fitondrana,
Efa feno an-dry zareo;
Ireo taratasim-panjakana,
Efa amin'io rehateo.

8.De variana mitsikera,
Sy mioereoera fihetsika;
Tsy mba miezaka hanjera,
Ny tsy fahaizantsika ketrika.

9.Toa izany ihany koa,
Ny amin'n'ny teny farantsay;
Ry zareo niezaka mialoha,
Ka dia voafehiny milay.

10.Kianintsika hoe tsy ilaina,
Fa fitenin'ny mpanjanaka;
Isika kamo sy malaina,
Dia arahin'ny taranaka.

11.Ahoana moa no mba hivoatra,
Tsy teny gasy tsy vazaha;
Ny habadoana tafahoatra,
Dia eny alavitra mizaha.

12.Ireo mandroso hatrany hatrany,
Satria voafehiny ny teny.
Ny hatarantsika sesilany,
N’manome vahana azy ireny.

13.Ka tongava saina amin'izay,
Ianaro ny teny ofisialy;
Ianaro koa ny farantsay;
Dia ho afaka ny jaly.


Abou Nusrayni
12_03-19
--------
Rohy:
683 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.013