RESAKA AOKA (AbouNusrayni)
Mbola tsisy niantsa
(Nalaina tao amin'ny vetso.serasera.org)
RESAKA AOKAAoka kely izay ry fody an’ala
Ny fihinananareo ny varim-bahoaka
Izahay izao efa tsy te hahalala
Ny baombanareo efa tsy mampitsoaka
Ny hifandrefy hery efa tsy mapisala
Ianareo rahateo efa tsy misy apoaka
Ny fidiranareo tamin’ny makarakara
No hampivoaka anareo koa amin’ny kiloadoaka
Izy ity tsy resaka tombo sy hala
Fa ny tsy mahavita azy tsy maintsy miala
Izay tratra nampiesona tsy maintsy voaroaka
Efa nitroatra izahay vao hoe Ramalala
Andao hifandinika re sy hifamalavala
Hilefitra ihany satria tsy tafavoaka?
Abou Nusrayini, 21 Aprily 2018
--------
Rohy:
Sokajy :
Tontolo iainana - Fahantrana - tantara - Hambom-po - Politika - fananarana - Fiaraha-monina - Tanindrazana - Eritreritra mandalo - fiainana
