You are here: home > Vetso

TAFANAMBADY DAHOLO… - AbouNusrayni

Azo vakiana?

TAFANAMBADY DAHOLO…

1.Raha sarihiko ny tanako  -  hamela dia-penina,
Ho an’ny mpiara-monina  -  sy ‘nareo havako
Tsy noho ‘nareo irery  -  f’ izah’ mety hanenina,
Rah’ tsy mah’vit’ adidy  -  k’efaiko ny anjarako.

2.Te hivoatra ianareo  -  ary dia mimpenimpenina,
Manaonao foana  -  raha n’ maro efa tazako.
‘Nareo moa “izany m’hitsy” -  ka na tsy azo tenenina,
Tsy hikipy akory aho  -  na hanarona ny tavako.

3.Drindrangilo ny anatra  -   r’hefa averimberina,
Ka mba kalokaloiko  -   ny ahy ny filazako.
Tsy ny hadalanareo  -  ‘nge n’ tiana taterina,
Fa mba mety hahasoa  -  ‘reto teny fafazako.

4.Ny baombao mamy foana  -  na adera na afenina,
Fa ts’hisy tia tsy mifono  -  rah’ireo olom-pantako.
Ny fanatontoloana  -  aza atao maha-domelina,
Manajà ten’ ihany  -  bavy kely malalako.

5.Mba atoro ange nareo  -  fa tsy hoe ho fehezina,
‘Ze mandeh mafy ihany  -  no ho potraka sy voa.
Henoy ihany ho ah’  -  f’aza de be marenina,
Tsy aleo ve maontimaotina  - de mba mioty ny soa.

6.Izay tsy nety efa vita -  dia azo leferina;
Na tsy ho lafatra aza  -  fa ts’ hikitoatoa.
Ny ho avinareo  -  no aleo mba atrehina,
Izay indrindra izao - no mampiasa ny loha.

7.Fanavaozam-pamindra  -  no andao re heverina,
Dieny mbola tsy voadona   -  na voaratra ny fo.
Tena zava-dehibe  -   matoa antitranterina,
R’hefa taf’ianareo,  -  ‘z’hay faly ihany koa.

8.Ka ny tiana hambara  -  ary koa ketrehina,
Ny fitafy manaitaitra  -  ajanony any moa.
Ny fijefifefena  -  mba ten’ ho taperina,
Efa voa-janahary,  -  ‘nareo manja avokoa.

Raha ny faniriako  -  ary tiako ho ventesina
Ho an’ny mpiara-monina  -  sy ‘nareo havako
Tafanambady daholo,  -  izay no tiak’ ho renesina
Fa mba nitandrin-tena  -  ka samy nioty ny soa.


Am-pitiavana be
Abou Nusrayni
10&11_11_19

Hametraka hevitra

Midira aloha