Oviana moa? - AMN (Arialy)

Azo vakiana?

Oviana moa no mety hisava
Izato gidragidra izay heno lalandava
Hiainanay isan'andro mampijaly ny ety
Ka mahatonga ny fialan'ny fitia
Ho tsy hisy intsony,ny adiady, firafiana
Ka hanolo azy indray ilay firaisan-kina

Oviana moa no tsy hisy intsony
Izato adiady, avona ary koa lonilony
Mampifandrafy ireo  mpihavana
Ho toy ny ala maty fa tsy mavana
Raha mba azonay ho fohanana
Izay tena  mandrava fihavanana

Oviana moa no mba tsy hisy
Ireny aretina rehetra izay mampisy
Hirifiry ary koa ny fahafatesana
Izay tsy azo rafetina sy tsy azo refesina
Raha ny tianay ho azo sy tanteraka
Tsy misy fisarahana, tsy harary ny ho teraka

Oviana koa no hisava ny loza maro
Ka tsy hampisaraka ireo izay miharo
Hilamina amin'izay ny fiainana ety
Tsy hisy intsony ny adiady, fa dia hifankatia
Raha ny tena sitrakay dia hilamina ny tany
Ka ho faly sy ho ravo fa ho foana ny tomany


AMN(Arialy)

Hevitra mandeha

arialy (29/05/2010 14:46:05)

amen

Hametraka hevitra

Midira aloha

Mombamomba

Mpanoratra : AMN (Arialy)

Nampiditra : arialy
Daty : 22/05/2010
Mpamangy : 874
Mankafy : 0

Tononkalo hafa

Ilazao
EZAKO
Ala-nenina
Ho ravoravo
Hifamaly ve
Hirifiriko
Reny hono
Raha...
Izy irery
Ilay fitiavan-tsika