trai-kefa mampijaly (AMN (Arialy))

Tsofy rano aho fa handeha
fa aza atao oe rehareha
raha toa tsy tamana
ka mitady fiaingana

fantaro ianao fa tsy diso
na hoe fitia risoriso
fa izaho raha hiala
sanatria tsy mankahala

fotoan-tsarotra izao
ka ilazako aminao
fa tsy mora velively
ny hamela anao irery

matokia, aza resy
izaho koa tsy mpandresy
fa mbola misy ny anjara
sy hiantso anao « malala ».

hisonenika hifaly
tsy misy intsony ireo jaly
refa tonga ny olontiana
hifapizara hamamiana.

Ny fitia izay nampijaly
hampihome anao izay faly
ho tsaroina fa trai-kefa!
Mety ho hadinoinao anefa

AMN (Arialy).
--------