FIAINAKO... (andriafa)
Mbola tsisy niantsa
(Nalaina tao amin'ny vetso.serasera.org)
Nijanona minitra vitsy ahomba nandinika ny fianako,
Eh...! hoy aho nisento lalina
'reto taona efa nandalo,
toa tsy nitondra hafaliana
fa nankarary, nampimalo.
Dia nitambolona tsy nahy,
nibosesika ao an-doha
irony kaikitry ny lasa
'zay mba tiako ho hadinoina,
Tako-pery te ho maina
maharary fa voatohina
...
Dia nitsororika tsy tàna,
ny ranomasoko nijohy
nanorika ny tavako
Tsy haiko noraràna,
fa manao tampody fohy
'rony ratran'ny lasako
....
Dia nisento aho,
nisento fanindroany
....
Adriafa
25.09.08
--------
Rohy:
Sokajy :
fiainana