RESY AHO (andriafa)
Mbola tsisy niantsa
(Nalaina tao amin'ny vetso.serasera.org)
...Afoiko ianao r'ilay Iarivoko
r'ilay Iarivo niriariavako.
Afoiko ianao ka tsy ho tsiahiviko
fa nadratra ny fiatiavako.
Ny fandaozako anao
no taratry ny fahareseko.
Na dia mamiko aza ianao,
mamoy anao no fahendreko.
....
Fahatsiarovana e! no sisa
hitambololona ao an-doha.
Ny vetsovetso no hitanisa
'reo ora mamy tsy hanindroa.
....
Afoiko ianao f'izay no mety,
Afoiko ho mandrakizay.
Veloma tsy ho vetivety,
mandratra fo, mavaivay.
Veloma ianao, veloma ihany
r'ialy Iarivon'ny fitiavako.
Resy aho ka hitomany
hisento am-po, f'izay no anjarako.
....
Hilofika aho fa resy loatra
Ny sompatrao toa tafahoatra
Resy aho, Resinao
Andriafa
14/10/08
--------
Rohy:
Sokajy :
Fitiavana
Hevitra mandeha
fanoandria
(
28/09/2010 08:37)
Aza tsiniana fa setom-po no tafahoatra, ka nandiso ny tsipelina
"veloma ianao, veloma ihany
r'ilay Iarivon'ny fitiavako"
M'saotra mankafy
"veloma ianao, veloma ihany
r'ilay Iarivon'ny fitiavako"
M'saotra mankafy