Omeo tsiky kely aho..... (Andriamihaja Johan (H-mainty))

Mbola tsisy niantsa

Hangataka antsa
(Nalaina tao amin'ny vetso.serasera.org)
Omeo tsiky....


Omeo tsiky kely aho
Rehefa iny vao maraina
Ho taratr’andro vaovao
Hampamiratra ny saina

Omeo tsiky kely aho
Refa mba ande hiasa
Mba hanembonako anao
Fa sanatria tsy ny hafa

Omeo tsiky kely aho
Raha tonga indray ny hariva
F’efa reraky ny natao
Ka ny feoko aza iva

Omeo tsiky kely aho
Dia antsoy hoe avia
Rehefa iny izaho sy ianao
Fa miray, manao fitia

Omeo tsiky kely aho
itsikio raha azo atao
dia asetriko izany
hitsikiko koa ianao…

A.L.J.
06-06
--------
Rohy:
Sokajy : Aingam-panahy
2757 2
Hevitra mandeha
fiaritiana ( 20/06/2006 13:45)
henoy àry aho fa hitsiky e!!
vetsoko ( 22/06/2006 14:31)
omeko ianao fa gratuit ny tsiky
ramalagasy ( 25/11/2006 02:12)
Tsy aleo ve mba samy manome e, amin'izay tsy mitongilana ny vilany
Hametraka hevitra
Midira aloha
Momba ny tononkalo
Mpanoratra : Andriamihaja Johan (H-mainty)
Nampiditra : johan
Daty : 16/06/2006 07:01
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0111