AZA...! (ANDRINIAINA1)
Mbola tsisy niantsa
(Nalaina tao amin'ny vetso.serasera.org)
AZA...!Aza mba be avonavona,
Rehefa tiana sy tiavina:
Sao sanatria hanenenana;
Ny hambom-po diso toerana.
Aza dia tia manambanimbany,
Rehefa mba nambinina aok'zany:
Sao sanatria ka hitomany;
Raha toa ka ratsy no hiafarany.
Aza tia mangaringarika,
Rehefa misy zay tsy aritra:
Sao sanatria hanenenanao;
Raha toa ka hivaly izay natao.
Aza tia fosafosa,
Raha mba sendra kely niavosa:
Sao sanatria tsy hahazaka;
Rehefa ny hafa koa no tafa.
ANDRINIAINA1
--------
Rohy:
Sokajy :
fananarana
