IANAO IO! - ANDRINIAINA1

Azo vakiana?

Ianao io!!!


Ianao io ve tsy mahatsapa;
fa tsy nahay nitady hafa:
raha tsy misy nanahirana.
ka rehefa kely mba nosoavina;
de mba miseo miavonavona:
manao fijery misopirana.


Ianao io ve mody adala;
fa mazana tsy te hahalala:
rehefa mba tafakatry ny avo.
ka rehefa kely mba nambinina;
de mitady hanao tsinotsinona:
manao tsindrio fa lavo.


Ity fiainana eto an-tany:
mivadibadika ambony ambany.
mbetika mangidy, mbetika koa mamy.
Mety ho tsiky sy hafaliana, mety ho fahoriana sy tomany.


Hainao tsara ny miresaka amiko :
rehefa misy ny taraina!
Fa tsy hainao akory ny milaza amiko:
rehefa azo izay ilaina!


Tsy mampiova anah anefa izany;
raha mbola tany koa ny tany:
ianao io no sasa-poana;
fa izahay hivoatra foana.


Andriniaina1.

Mombamomba

Mpanoratra : ANDRINIAINA1

Nampiditra : ANDRINIAINA1
Daty : 14/10/2014
Mpamangy : 1753
Mankafy : 0

Tononkalo hafa

Tiako izy!
Namana
Mandalo!
NY FOKO, NY SAIKO...
IZAHO SY IANAO!
NISESISESY
INDRAINDRAY, MAZANA, MISERANA, MATETIKA...
HAFAHAFA
ANDRIAMANITRA AVO!
TSY ANJARANAO!