FIONONANA! (ANDRINIAINA1)
Mbola tsisy niantsa
(Nalaina tao amin'ny vetso.serasera.org)
FIONONANA!Ampianaro mionona re ny foko!
Mba hatoky anao foana ry Tompo.
Ka hahay hanaiky sy hanompo,
Ary hitraka hatrany; tsy hitoloko.
Ampianaro mionona ny saiko!
Mba hatoky anao re ry Raiko.
Ka hahay ho tony sy handefitra;
Ary ho matotra fihetsika.
Ampianaro mionona ny fanahiko!
Amin-javatra tokony tsy ho sahiko.
Omeo fanahy tsara avy aminao;
Mba hanoro zay tokony hatao.
Ampianaro mionona ny vatako!
Tsy hanaonao foana @zay tsy fantatro;
Fa hahay hitondra tena;
Amin'ny lalam-pahendrena.
Ny fo, ny saina, ny vatana, ny fanahy:
Omeo fiononana tsy ho be ahiahy.
Hiaina sy hiaraka aminao lalandava;
Na inon-kidona na inon-kitranga.
ANDRINIAINA1.
--------
Rohy:
Sokajy :
Fiononana
Mpakafy:
onitrakely
