ALEOKO MANGINA (ANJARIVO Ronsard)

Mbola tsisy niantsa

Hangataka antsa
(Nalaina tao amin'ny vetso.serasera.org)
Aleoko mangina
Toy izay lany andro,ifandramatra foana
Aleoko mangina
Toy izay very tsiky eny mandavan-taona
Aleoko mangina
Raha mbola miteny ny olon'adala
Aleoko mangina
Haren-tsarobidy ny fahasalamana

Aleoko mangina
Toy izay taralilan'ny vava malama
Aleoko mangina
Mba tsy ampisondrotra ny mari-pàna
Aleoko mangina
Mba ahatakarako izay ao am-pony
Aleoko mangina
Ny olo-mitony, tsy resy tsy akory

Aleoko mangina
Toy izay karajia rediredin'ny mamo
Aleoko mangina
Toy izay tafasiry ananganam-pahavalo
Aleoko mangina
Na dia efa mandroatra ny fo te itraotra
Aleoko mangina
Toy izay basy vava mamory vahoaka

Aleoko mangina
na tovatovanan'anaran-kanosa
Aleoko mangina
Toy izay sahisahy nefa bokan'ny trosa

Aleoko mangina, miandry ny anjara izay efa voalamina
Toy izay jefijefy ka iantsampitsampy amin'olon-tsy manina

Rons'Art
17/07/2012
--------
Rohy:
3734 1
Mpakafy: Ronsard
Hevitra mandeha
mimi12 ( 24/07/2012 06:27)
marina izany
zembla ( 27/07/2012 13:44)
Tena mampieritreritra ny tononkalonao!Sady marina avokoa izay voalazanao!
Ronsard ( 30/07/2012 11:14)
Mankasitraka amin'ny fanamarihana!
Mitsoa ( 29/09/2012 14:37)
zay mangina tokoa volamena.zay moa pankafy tononkalo fa tsy mahay manoratra nefa mpikabary
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0144