TSY ANJARAKO (ANJARIVO Ronsard)

Niofo teo ny lokon-danitr'ilay fitiavantsika
Tonga maloka sy maizina ilay andro nibaliaka
E,nihelina toa zavona ny ahakantony hanik'eo
dify teo ireo fifaliana fa toloko sisa teo

Aiza irony takariva, tsara ravaka fitia ?
Aiza irony toky maro, lokaloka ny ho doria?
Teo imolotra ihany ireny; sarintsarim-pahasambarana
Rehef'injay fa tojo memy; tsisy azoko notanana!!

Nofinofy angamba sisa no hiombonam-pitoviana
Fa ny lalam-piainatsika tsy hitambatra rahoviana
Koa veloma sy masina, iny olon-tsy anjarako
Fehezo anatinao mangina,ireo diary sy tantarako!

ANJARIVO Ronsard
12 May 2013
--------