ALEO MATY MAMELA MAMY TOY (ARIMBOLA FENOTSIKY)

ALEO MATY MAMELA MAMY TOY NY RENINTANTELY

Eto an-tany fandalovana:
eto no ara-maso
ny ram-pahatsiarovana,
na mamy na matsatso.

Teto ilay nanao ny soa
no namela rangon-tsoratra;
izay tsy niandry valisoa
fa niari-pery mba hanolatra.

Teto ihany koa
ilay fanetriben'ny tany,
nangidy hoditra ka lo
any ambany rangolahy any.

Tsy toy ilay namela mamy
nampitsonika tantely
ka ho voarakotry ny amy,
hotsenain'ireo anjely.

ALEO MATY MAMELA MAMY TOY NY RENINTANTELY
Arimbola Fenotsiky.
--------