You are here: home > Vetso

VAVAKA HO AN'I OLON-TIAKO - BANGOTOKANA

Azo vakiana?


                        VAVAKA HO AN’NY OLON-TIAKO

   Ry Zanahary ao ambony, indro ity ny zanakao
   Fa hanambara ny ao ampony, izao anio zao
   Ilay olon-tiako izay, ilay tiako tena tiako
   Toa mila ho kivy indraindray, fa zary nampijaliako
Omeo ahy ry Ray, ny fo mahay mitia
Hanajako azy indray, hitiavako ho doria
Omeo ahy ry Tompo, ny fo mahay manaja
Ny hibahanany ato am-poko, hanjaka eo am-bava
        Omeo ahy ry Zanaka, ny saina mampanjaka
        Ilay fitiavana taranaka, hiadana ao an-dapa
        Omeo ahy anio, ny hery hoeti-miady
        Ilay fanahy mpanadio, hanamafy izato voady
Omeo ahy ry Fanahy ,ny fo mahalala
Fa izy irery no ahy, izy no malala
Omeo ahy ry Mpahary,,ny saina volamena
Ka hampiharihary, ilay toky zay nomena
   Fa izy irery no ahy,de ho izy ihany koa
  Ilay mpitondra, mamy,mpikolokolo fo
  Mba omeo azy koa anefa, ireo rehetra ireo
  Ka hitovy traikefa, hitovy lantom-peo
Ny voninahitra anie, ho Anao mandrakizay
Ny fiadanana kosa re, ataovy ety aminay
F’Anao ny fanjakana sy ny hery hatrizay
Ka tsy afaka ialana , fa Ianao no Rainay
                        
                                    Amen

Sokajy : Fitiavana

Mombamomba

Mpanoratra : BANGOTOKANA


Nampiditra : BANGOTOKANA
Daty : 18/02/2012
Mpamangy : 3753
Mankafy : 2

Tononkalo hafa

Tsy misy lohan-teny
VONONA
TANTARA TSY VOAFAFA
ORANA
TSIAHY
NY FITIA
LASY IRAY