IO FITIAVANA IO (DADAFARAtolotra)

Manaiky tsy an-kisala ny zavatra tsy vitany
Mandeha an-tsokosoko amin'ny lalan-tsy fahitany
Toa zary lasa jamba rehefa tena miaraka aminy
Ka sahy misalo-damba ,tsy azy akory fa nindraminy
Rehefa tena misy!

Tsy mba marin-toerana mpifindrafindra lasy
Tsy mahay mifidy penina toa ravin-taratasy
Afaka manoratra mandragotra eo daholo
Ireo karazam-penina rehetra manontolo
Satria mifakatia!

Rehefa any an-trano dia,"Stylo" manga fotsiny
No injao mpanoratsoratra mpizara rotsirotsiny
Fa rehefa eny ivelany dia tena mahonena
Mibolisatra manoratr'ao ny mainty sy ny mena
Amin'ny ravin-taratasiny!
--------