Alaiko an'eritreritra ! (DadaRabe)

Mbola tsisy niantsa

Hangataka antsa
(Nalaina tao amin'ny vetso.serasera.org)
ALAIKO AN’ERITRERITRA !

Alaiko an’eritreritra ‘lay endrikao sariaka,
Mazava, manjopiaka;
Ny masonao mirehitra fitia, fanantenana,
Mpitondra hafanana !

Alaiko an’eritreritra ny molotrao miteny,
Ny tsikinao ombieny;
Fa toy ny loharano izay mikoriana ireny,
Mitohoka tantely !

Alaiko an’eritreritra ny fonao dobodoboka,
Ny vatanao mangovitra;
Rehefa ianao mifaly sy feno faniriana...
Akaikin’olon-tiana.

Alaiko an’eritreritra izay mombamomba anao
Sy ny tontolonao;
Ny aminao rehetra na mihiratra na merika...
...Alaiko an’eritreritra !

DadaRabe
La Charité
30/07/05 9 :56
--------
Rohy:
Sokajy : FITIAVANA
1717 2
Mpakafy: doum - fifa
Hevitra mandeha
doum ( 03/08/2005 17:59)
trayyyyyyyyyyyy
tsara e
tonga oa dia izaho no nahazo voalohany ilay voamadilo masaka fa misaotra e
:-) :-)
tsara be
tena faly izahay mpamaky manana anareo mpanoratra.
Homen'ny Tompo talenta hatrany anie hianareo.
Misaotra ry Dadarabe marina a

pissoa ( 03/08/2005 21:19)
tena tsara marina e! Tena ... tsara
nyeja ( 04/08/2005 07:40)
Alaiko an'eritreritra
isika ilay niresaka
teo amin'ny paositra
alaiko aneritreritra
ilay fahatsoranao
mba tena tiako loatra !
nalaiko an'eritreritra
isika tsy nihaona satria dia lasa ianao
Nalaiko an'eritreritra
ilay antso an-tariby
"tsy manadino anie aho " .
Ny Eja 2005

ho an'ilay namako Rabe !
tia2005 ( 04/08/2005 12:15)
ataovy an'eritreritra daholo ê!
DadaRabe ( 05/08/2005 16:35)
Doum, Misaotra é!
Ny Eja, ie, tadidiko!
Tia, alaiko an'eritreritra é!
DdRb
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0174