Fitia nivakinina - DadaRabe

Azo vakiana?

FITIA NIVAKININA

Fitiavako anao, fitia nivakinina,
Mangidy manasitrana ny ratrako ririnina,
Hila tsy ho telina kanefa manome
Ilay tena fiadanana sy fifaliam-be !

Fitiavako anao, fitia voamadilo,
Tsy afaka ao am-bavako, tsy mety lany tsiro,
Jereko toa tsy ampy, kanefa toa tsy lany...
Raha vao midify ianao dia io aho fa mitady.

Fitiavako anao, fitia pilokely,
Manaikitra kanefa tsy foiko velively,
Tena ankafiziko na mampipenimpenina,
Fitiavako anao, fitia tsy misy nenina.

DadaRabe
Aix-en-Provence
24/05/04   13:45

Hevitra mandeha

DadaRabe (30/05/2004 21:24:36)

Tsy fantatro hoe nainona no tafiditra in-telo io tonokalo io.

DadaRabe

hery (12/06/2004 13:30:32)

Satria ny nivakinina 3 comprimés vao mety :)
Milay

hendry (06/07/2004 16:22:39)

:-)

bichette (18/08/2004 09:53:02)

tsara dia tsara ! rarankivy aho

Mombamomba

Mpanoratra : DadaRabe

Nampiditra : DadaRabe
Daty : 30/05/2004
Mpamangy : 1485
Mankafy : 1

Tononkalo hafa

Ny tanimbarikeliko
AZA KAROHINAO !
NY NOFINOFINAO
Blaogin’i DadaRabe
IZY INDRAY ANTSOINA !
ILAY AMPITSO
ENY AMBONY
Hatramin'ny nahalalako anao
Efa fantatrao
Ataoko toy ny hoe...