MANINA NY ANY! (LAVENONA)

Mbola tsisy niantsa

Hangataka antsa
(Nalaina tao amin'ny vetso.serasera.org)
MANINA NY ANY!

Ireo masoko ireo……
Raha toa latsa-dranomaso
Dia tsy vokatry ny ankaso
Ka koa zava-mahaory
Tsia!..tsy izany akory
Fa mba ditsoky ny vovoky ny
Hanina ny taniko
Mihitsy tsy hafeniko
Tsy tiako hikoroso
Fa mba satriko handroso
Ilay tany fihaviako
Mantsy izay no tena tiako!

Ireo masoko ireo
Matoa manganohano
Dia mamon’ny hanohanon’
Ny lavi-tanindrazana
Gasikara tsy mba tazana
Tsy afaka tsidihina
Fa ny tiako ho marihina
Dia teny tsotra ihany:
Mahantra ianao androany
Nefa kosa mahandrasa
Fa hivadika ny rasa
ao aoriana kely ao
azo inoana fa ianao
Dia ho firenena miavaka
Ka hiala ao an-davaky ny
Kizom-pahantrana
Izay no faniriko!

LAVENONA

07/03/22
--------
Rohy:
Sokajy : Embona
82 2
Mpakafy: Felanarkt - tafitasoa777
Hametraka hevitra
Midira aloha
Momba ny tononkalo
Mpanoratra : LAVENONA
Nampiditra : danielroimemy086
Daty : 12/04/2024 10:45
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0366